Publikohet Edicioni i 13-të i Studimit mbi Barrën Tatimore në Shqipëri dhe Ballkanin Perëndimor 2025

Publikohet Edicioni i 13-të i Studimit Tematik mbi Barrën Tatimore 2024 dhe Lirinë Fiskale 2025, një raport gjithëpërfshirës dhe analitik mbi zhvillimet më të fundit fiskale në Shqipëri dhe në gjashtë vendet e Ballkanit Perëndimor (BP6). Ky botim trajton në thellësi ndikimin e sistemit tatimor në shpërndarjen e të ardhurave, konkurrencën, dhe drejtësinë fiskale, me një qasje krahasuese, rajonale dhe ndërdisiplinore.

📌 Struktura e dokumentit përfshin:

• Hyrje me kontekstin teorik, objektivat kërkimore dhe metodologjinë
• Analizë të performancës ekonomike dhe fiskale për periudhën 2021–2024 për çdo vend të BP6
• Krahasime të strukturës së të ardhurave tatimore dhe efektivitetit të tyre
• Fokus te dominanca e TVSH-së, analizat mbi tatimet direkte dhe kontributet shoqërore, dhe peshën e tatimeve mbi punën
• Analizë për mënyrën si përdoren të ardhurat publike, marrëveshjet për eliminimin e taksimit të dyfishtë dhe ndikimi i tyre mbi investimet
• Përfshirje të perceptimeve të qytetarëve mbi barrën tatimore, përmes treguesve si Liria Fiskale dhe Dita e Lirisë Fiskale
• Vështrime të detajuara për Shqipërinë dhe Kosovën, me të dhëna për rajonet dhe ndikimin në barazinë fiskale
• Vlerësim të progresivitetit dhe pabarazisë, duke krahasuar me normat e BE dhe indekset sociale si Gini
• Propozime për reforma tatimore të drejtë, ulje të barrës mbi punën dhe zhvendosje drejt taksave mbi kapitalin dhe pasuritë

📚 Ky raport është i rëndësishëm për studiues, politikëbërës, institucione, organizata dhe qytetarë, që kërkojnë të kuptojnë më mirë ndikimin e tatimeve në ekonomi, barazinë sociale dhe zhvillimin e qëndrueshëm.

📍 Studimi mbështetet në një qasje shkencore dhe klasifikime sipas JEL Codes: H21, H22, H23, H24, H25, H26, H71, që pasqyrojnë dizajnin, shpërndarjen dhe efektivitetin e sistemit tatimor.

Lexuesit ftohen të konsultojnë edicionin e plotë dhe të kontribuojnë me ide për ndërtimin e një sistemi tatimor më të drejtë, progresiv dhe efektiv për të gjithë.