Qendra ALTAX

Qendra ALTAX është një organizatë shoqërore civile (OSHC) e regjistruar në vitin 2017, në përputhje me legjislacionin për organizatat jofitimprurëse, dhe identifikohet me Numrin Unik të Subjektit (NUIS) L71807452F.

Me një fokus të theksuar në transparencë dhe zhvillimin e politikave të qëndrueshme, ALTAX lidhet me një rrjet të gjerë ekspertësh dhe profesionistësh, duke ofruar shërbime dhe mbështetje të vazhdueshme për përmirësimin e cilësisë dhe efikasitetit në administrimin e financave dhe politikave publike.

Nëpërmjet një angazhimi të fortë për edukimin dhe zhvillimin e profesionistëve të rinj, ALTAX ofron mundësi edukimi dhe ndihmë për të rinjtë që duan të përparojnë, duke u siguruar që ata të kenë njohuritë e nevojshme për të përballuar sfidat e ekonomisë dhe financave moderne.

Përmes analizave të thelluara dhe kërkimeve, ALTAX gjithashtu kontribuon në mbrojtjen e kauzave civile dhe zhvillimin e politikave që ndikojnë drejtpërdrejt në përmirësimin e kushteve sociale dhe ekonomike. Me kapacitetet e saj të forta kërkimore dhe një rrjet të gjërë partnerësh në rajon, ALTAX është e përkushtuar për të parashikuar tendencat dhe për të trajtuar sfidat politike, duke u siguruar që klientët të kenë informacionin dhe mbështetjen e nevojshme për të marrë vendime të informuara.

Vizioni

Në bashkëpunim me partnerët tanë, synojmë të harmonizojmë qasjet për politikëbërjen përmes analizave dhe dialogut mbi çështjet ekonomike, sociale dhe financiare. Objektivi ynë është të ndikojmë në proceset e politikave të ardhshme duke parashikuar dhe adresuar sfidat përpara se të shfaqen. Për ne, gjetjet dhe debatet nuk mjaftojnë; ato duhet të përkthehen në veprime efektive dhe konkrete.

Misioni

Qëllimi ynë është të përmirësojmë dhe promovojmë politikat ekonomike, fiskale dhe sociale, si dhe të nxisim cilësinë e dialogut deliberativ. Bazuar në fakte dhe ekspertizë gjithëpërfshirëse, ne synojmë të fuqizojmë procesin e vendimmarrjes ekonomike dhe sociale për të përmirësuar jetën e njerëzve dhe mbështetur bizneset.

Roli dhe Aktivitetet

ALTAX është një qendër kërkimore dhe zhvilluese jofitimprurëse me bazë në Shqipëri.
Ekspertët tanë:

• Analizojnë politikat ekonomike dhe fiskale të brendshme dhe të jashtme të Shqipërisë.
• Ofron burime të besueshme ekspertize mbi faktorët politikë, ekonomikë, kulturorë dhe historikë që ndikojnë politikat shqiptare ndaj Ballkanit Perëndimor dhe më gjerë.
• Ka një fokus të veçantë në politikat tatimore, administrimin, buxhetimin, pajtueshmërinë tatimore dhe adresimin e disbalancave ekonomike.

Puna e ALTAX mbështetet nga një rrjet ekspertësh të kualifikuar, të organizuar në grupe tematike sipas fushave specifike të interesit.

Iniciativa dhe Qasja

ALTAX është një iniciativë think-tank shqiptare që promovon një qasje të re ndaj politikave fiskale dhe ekonomike shqiptaro-evropiane. Në bashkëpunim me akademikë dhe ekspertë fiskalë, ne synojmë:

• Zgjerimin e njohurive dhe ndihmën për krijimin e kapaciteteve fiskale në Shqipëri dhe Kosovë.
• Promovimin e transparencës dhe llogaridhënies përmes analizës së treguesve ekonomikë në nivel kombëtar dhe rajonal.
• Hartimin e raporteve dhe studimeve për të ndihmuar donatorët, organizatat dhe vendimmarrësit me analiza të bazuara në të dhëna dhe fakte.

Shërbimet e ALTAX

Në Qendrën tonë ne kryejmë:

1. Analizë paraprake të politikave ekonomike – Përgatitja e studimeve mbi ndikimin dhe efektivitetin e politikave.
2. Modelimi i ekspertizave dhe politikave – Zhvillimi i modeleve për zgjidhje praktike dhe të përshtatshme.
3. Studime dhe raporte të detajuara – Përmes partneriteteve me individë dhe organizata, ne krijojmë analiza të thelluara.
4. Analizë tregu dhe faktorësh ndikues – Përcaktimi i tendencave dhe ndikimeve në treg.
5. Parashikime dhe rekomandime politike – Përgatitja e strategjive dhe zgjidhjeve për sfida të ardhshme.

Puna jonë udhëhiqet nga bindja se, ndërsa qytetarët përcaktojnë drejtimin e ekonomisë dhe shoqërisë, qeveritë ndikojnë fuqishëm përmes politikave fiskale dhe monetare. Ne ndihmojmë për t’u siguruar që ky ndikim të jetë pozitiv dhe efektiv.