Analizimi i mbështetjes sociale në Shqipëri dhe krahasimi me Rajonin dhe Bashkimin Evropian

Sipas një analize të thelluar te kryer nga ekspertet e ALTAX mbi mbështetjen sociale në Shqipëri, ka dalë në pah se sistemi aktual i mbështetjes sociale në vend ka nevojë për përmirësime të mëdha për të arritur standardet e Bashkimit Evropian (BE) dhe rajonit. Analiza ka krahasuar financimin, nivelet e mbështetjes dhe eficiencën e politikave të mbështetjes sociale në Shqipëri, duke e përballur atë me praktikat e vendeve të tjera të Ballkanit Perëndimor dhe ato të BE-së.

1. Financimi i Mbështetjes Sociale në Shqipëri

Në Shqipëri, alokimi i fondeve për mbështetje sociale është ende shumë më i ulët se në shumicën e vendeve të BE-së dhe disa shtete të Ballkanit Perëndimor. Ndihma ekonomike dhe pensionet janë dy shtyllat kryesore, por këto përfitime shpesh nuk mjaftojnë për të mbështetur një nivel jetese dinjitoz për qytetarët.

2. Shërbimet dhe përfitimet në Shqipëri

Ndihma ekonomike dhe pensionet janë të kufizuara, duke lënë shumë individë dhe familje pa mbështetje të mjaftueshme. Ndërsa në BE, sistemet e mbështetjes sociale janë më të strukturuara dhe mbulojnë një gamë të gjerë nevojash, duke përfshirë papunësinë, aftësitë e kufizuara dhe kujdesin shëndetësor.

3. Krahasimi me Rajonin dhe BE-në

Në rajon, Shqipëria ndodhet në një pozicion të mesëm krahasuar me vendet e tjera të Ballkanit, si Maqedonia e Veriut dhe Serbia, por ka ende distancë të madhe nga praktikat më të zhvilluara të BE-së. Vendet e BE-së, si ato nordike dhe perëndimore, ofrojnë sisteme mbështetjeje sociale të avancuara, që përfshijnë ndihmë për papunësinë, pensionet e larta, dhe mundësi për integrim në tregun e punës.

4. Përmirësimi i administratës dhe shpërndarjes

Një sfidë tjetër për Shqipërinë mbetet administrimi i mbështetjes sociale. Shpërndarja e fondeve shpesh është e vonuar dhe jo gjithmonë efektive. Përshtatja e sistemeve të BE-së për përdorim të teknologjisë dhe databazave mund të ndihmojë në përmirësimin e menaxhimit dhe shpërndarjes së mbështetjes sociale.

Në përfundim, analiza rekomandon një rritje të alokimit të burimeve për mbështetje sociale në Shqipëri, përmirësimin e strukturës administruese dhe shpërndarjen më të drejtë dhe efikase të ndihmave. Rritja e pensioneve dhe zhvillimi i mundësive për integrim të individëve në tregun e punës janë hapa kyç për arritjen e një sistemi mbështetjeje sociale më të efektshëm dhe më të drejtë.

Për më shumë informacion, mund të shikoni publikimin direkt KETU