Lojrat e fatit online dhe rastet më të shpeshta të pastrimit të parave

Pastrimi i parave shpesh ndodh në tre faza:

Përfshirja/futja e parave, ndodh kur ato integrohen në sistemin financiar ose në një biznes të ligjshëm.

Qarkullimi/ Fillimi humbjes se gjurmës se burimit, që është procesi përmes të cilit paratë distancohen nga burimi i saj i paligjshëm. Ideja është që të vështirësohet për hetuesit që të ndjekin gjurmët e parave.

Integrimi/Pastrimi, ndodh kur paratë hyjnë në ekonominë legale. Pas integrimit, paratë duken të pastra dhe hetuesit nuk mund të thonë më nga e kanë origjinën.

Një lojtar që fut para në llogarinë e tij të lojërave të fatit, duke përdorur karta të parapaguara të blera me para, për shembull, mbulon vendosjen. Qarkullimi i tyre është faza tjetër dhe mund të jetë kur një lojtar transferon para te një tjetër. Ne momentin kur paratë paguhen nga te ardhurat nga një lojë, ky është integrimi/pastrimi i tyre ne para me burim te justifikuar. Ato para tani thjesht shfaqen si të ardhura prej një sesioni lojrash fati që konsiderohet burim i ligjshëm.[1].

Ja si përshkruhen me poshtë disa nga rastet me te ndeshura dhe te ekspozuara nga FATF (Task Forca e Veprimit Financiar)

1. Shlyerja e një llogarie bastesh

Në një skemë relativisht të thjeshtë të pastrimit të parave, një lojtar online mund të fillojë duke depozituar para në një llogari bastesh. Ai do të duhet të japi një ID dhe një numër llogarie bankare si një hap verifikimi, i kërkuar nga ligji. Por pasi të ketë përfunduar këtë procedurë, lojtari/et janë të lirë të përdorin çdo mënyrë pagese që duan për të ngarkuar para në llogari. Lojtari/et më pas vendosin disa baste online ne vlera të vogla për ta bërë të duket si një llogari normale, përpara se të arkëtojë fondet. Ato para tani kanë kaluar përmes një biznesi legjitim, pra kazinosë/ lojes se fatit online dhe origjina e tyre nuk mund të gjurmohet më.

2. Loje fati qe realizohet ne marrëveshje mes lojtareve

Një tjetër metodë e zakonshme e pastrimit, siç përshkruhet në raportin e FATF-së mbi dobësitë e kazinove dhe sektorit të lojërave, përfshin humbjet e qëllimshme të lojërave të fatit. Një pastrues parash mund të bashkohet gjithashtu me një tryezë virtuale bastesh në një marrëveshje përpara lojës me bashkëpunëtorët qe ka zgjedhur. Për shembull, dy ose më shumë njerëz që punojnë së bashku i bashkohen të njëjtës lojë pokeri. Më pas, sipas marrëveshjes paraprake bashkëpunëtorët do të humbasin qëllimisht per ti dhënë mundësinë pastruesit te parave, që paratë e luajtura në bastin online do te shkojnë kryesisht për një lojtar. Ato para tani nuk janë më të lidhura me origjinën e tyre kriminale. Lojtarët me siguri do të humbasin disa para duke përdorur këtë teknikë, por ata do ta shohin këtë si çmimin për të paguar për fondet e pastra.

Përndryshe, pastruesit mund të paguajnë gjithashtu borxhet e humbjeve të mëdha të lojtarëve të tjerë me të ardhura nga krimi dhe të kërkojnë pagesa nga lojtari më vonë në fonde të pastra.

3. Loje fati në këmbim të drogave apo mallrave te tjera me vlere

Një skemë tjetër e pastrimit të parave përmes lojërave të fatit në internet i lejon një lojtari të pastrojë paratë e tij në të njëjtën kohë që merr fonde të paligjshme shumë efikase, nga pikëpamja kriminale. Në këtë rast, një blerës dhe një shitës i mallrave të paligjshme (drogë, bizhuteri, etj.) marrin pjesë në të njëjtën lojë. Nëpërmjet një loje ose basti, blerësi do t’i transferojë fondet shitësit, i cili më pas i mbledh fondet nga llogaria e tij e pagesës në këmbim të mallrave. Llogaria e lojërave të fatit në thelb vepron si një llogari bankare. Dhe meqenëse paratë teknikisht i erdhën shitësit përmes basteve, ato nuk mund të gjurmohen lehtësisht në aktivitet të paligjshëm.

4. Modeli i Vankuverit

Raporti i Komisionit Cullen përshkruan një variant më të sofistikuar, të quajturin Modeli i Vankuverit, i cili u përdor për të pastruar qindra miliona dollarë përmes kazinove britanike kolumbiane nga viti 2008 deri në 2018. Ky model kombinon elementet e një metode tradicionale të pastrimit të parave Hawala (transferimi i parave pa lëvizje të parave) dhe e përzien atë me taktikën e marrjes së parave, si para fizike. Një person në juridiksionin X (i cili mund ose nuk mund të jetë i përfshirë në kriminalitet) kërkon të lëvizë shuma të mëdha jashtë juridiksionit dhe potencialisht të anashkalojë ligjet e eksportit të parave të gatshme. Personi ia transferon fondet një bande kriminale brenda Juridiksionit X, më pas udhëton në Juridiksionin Y.

Banda kriminale në juridiksionin X organizon që bashkëpunëtorët e tyre të vendosur në juridiksionin Y t’i dorëzojnë shumën ekuivalente të transfertës origjinale personit që ndodhet tani në juridiksionin Y (kryesisht në formën e parave të gatshme që rrjedhin nga krimi, të cilat banda kriminale duhet t’i pastrojë).

Personi hyn në një kazino dhe transferon paratë për fisha per te luajtur përpara se të bëjë disa baste me vlerë të ulët dhe të arkëtojë. Personi më pas i këmben fishat e fituara për para të pastra, pasi tani ka pastruar fondet për grupin kriminal nëpërmjet transferimit origjinal dhe ka anashkaluar ligjet e eksportit të parave të gatshme të juridiksionit të tij për përfitimin e tij.

Nisur nga gjithë moria e rasteve, qe nuk jane shteruese pasi ka shume mënyra te tjera AMLF ne Shqipëri, ashtu si ne shume juridiksione ne Europe u kërkon Kazinove dhe operatoreve te lojërave te fatit online të jenë në përputhje me rregulloret per parandalimin e pastrimit te parasë sipas udhëzimeve te autoritetit ndërkombëtar per këtë sektor, AML. Atyre u kërkohet të raportojnë për klientët dhe transaksionet e dyshimta. Përtej këtyre detyrimeve, ata gjithashtu kanë interes të shmangin të bëjnë biznes me kriminelët për të shmangur dëmtimin e reputacionit dhe dëmtimin e marrëdhënieve të tyre të biznesit.

[1] https://linkurious.com/blog/money-laundering-online-gambling/