Si aplikohet skema 0% tatim fitimit për një freelancer që punon ekskluzivisht me klientë të huaj?

Rasti juaj

Jam një individ që jetoj jashtë Shqipërisë dhe planifikoj të kthehem në vend për të vazhduar aktivitetin tim të biznesit. Aktualisht punoj si freelancer me 2-3 kompani nga USA. Kam lexuar online për ligjin e 0% taksës në Shqipëri deri në 140 milionë lekë të vjetra xhiro (deri në fund të 2029), por ka informacione konfliktuale, p.sh., faqja e Drejtorisë së Tatimeve duket se nuk e konfirmon qartë.

Pyetja kryesore

A është ende në fuqi skema e 0% tatimit mbi fitimin për bizneset e vogla/vetëpunësuarit me xhiro deri në 14 milionë lekë të reja (140 milionë lekë të vjetra ose ~145,000 €)?

Si aplikohet kjo për një freelancer që punon ekskluzivisht me klientë të huaj, dhe çfarë ndodh me TVSH-në?

Përgjigje

Ligji në Shqipëri mbetet plotësisht në fuqi sipas paketës fiskale të miratuar me Ligjin nr. 29/2023 “Për disa shtesa dhe ndryshime në ligjin nr. 8438, datë 28.12.1998, ‘Për tatimin mbi të ardhurat'” dhe udhëzimeve të Drejtorisë së Përgjithshme të Tatimeve (DPT). Kjo skemë është pjesë e politikës për mbështetjen e biznesit të vogël dhe do të vazhdojë deri më 31 dhjetor 2029.

Përmbledhje e skemës

Shënim: 14 milionë lekë të reja ≈ 145,000 € (kurs ~96.5 lekë/€).

Aplikim për situatën tuaj, si Freelancer me klientë të huaj:

Së pari, hapni biznes si i vetëpunësuar (person fizik tregtar) ose shoqëri me përgjegjësi të kufizuar (ShPK) në Qendrën Kombëtare të Biznesit (QKB). Kjo është e thjeshtë online dhe kushton pakj

Së dyti lidhur me qarkullimin/xhiron e aktivitetit nga jashtë Shqipërisë, ligji e trajton si më poshtë aspektin e tatimeve:

• Sipas ligjit te TVSH-së, të ardhurat nga kompani në USA konsiderohen shërbime eksporti (neni 53 i Ligjit për TVSH-në).
• TVSH = 0% për eksportin e shërbimeve (nuk llogaritet në xhiro për TVSH).

Por, nëse xhiroja totale >10M lekë, atëherë duhet të regjistroheni për TVSH dhe të lëshoni fatura me TVSH 0% për klientët e huaj.

• Sipas Ligjit për tatimin mbi të ardhurat (29/2023) lidhur me tatim fitimin është 0% nëse xhiroja vjetore ≤14M lekë (pavarësisht burimit).
• Llogaritet si vijon: Fitimi = Të ardhura – Shpenzime të zbritshme (p.sh., per laptop, internet, zyrë në shtëpi, transport etj.).
• Deklarim vjetor bëhet deri në 31 mars.

Nëse Kaloni 14M Lekë, atëherë:

• Për pjesën mbi 14M. Lekë zbatohet 15% tatim fitimi.
• Regjistrim i detyrueshëm për TVSH dhe raportim mujor.

Burimi zyrtar aktual: Udhëzimi nr. 5, datë 15.02.2024 i DPT-së dhe Ligji nr. 29/2023.

Pra, skema si më lart përsa lidhet me tatim fitimin është 100% aktive deri në 2029. Me xhiro nën 14M lekë dhe klientë të huaj, nuk paguani tatim mbi fitimin.