Shqipëria dhe “Momenti i Mirë Politik” 2021–2025, a është Kapitalizuar realisht?

ALTAX publikon një dokument analitik të detajuar që sjell në vëmendje një çështje themelore për zhvillimin afatgjatë të Shqipërisë, a ka arritur vendi të përfitojë realisht nga momenti politikisht i favorshëm i viteve 2021–2025?

Në këtë analizë përfshihen zhvillimet ekonomike dhe sociale të lidhura me një periudhë të karakterizuar nga:

• Stabilitet i dukshëm politik në nivel qendror,
• Dominimi i një partie të vetme në qeverisje,
• Një mjedis ndërkombëtar me mbështetje të qartë për integrimin evropian të Ballkanit Perëndimor,
• Dhe një seri nismash të rëndësishme si Procesi i Berlinit, Plani i Rritjes së BE-së, dhe reforma institucionale.

Dokumenti nënvizon disa vlerësime kyçe:

• Përfitimet reale ekonomike nuk kanë qenë proporcionale me klimën e favorshme politike; shumë mundësi janë shpërdoruar për shkak të mungesës së reformave strukturore dhe abuzimit me potencialin e momentit.
• Pabarazitë sociale dhe rajonale janë thelluar, duke reflektuar një politikë publike më shumë reaktive se sa proaktive.
• Investimet publike kanë pasur ndikim të kufizuar në përmirësimin e cilësisë së jetës dhe zhvillimit afatgjatë, me theks të veçantë te mungesa e eficiencës dhe kontrollit të projekteve.
• Institucionet kanë vijuar të funksionojnë me deficit besimi dhe transparence, ndërkohë që klima e biznesit ka mbetur e pasigurt për investitorët seriozë.
• Fokusi politik ka mbetur i përqendruar në stabilitetin afatshkurtër elektoral, jo në ndërtimin e themeleve për konkurrueshmëri afatgjatë.

Ky raport përbën një thirrje për reflektim mbi mënyrën sesi Shqipëria po i menaxhon periudhat me potencial zhvillimor të lartë dhe mbi nevojën për një agjendë më të thelluar reformash, që shkon përtej cikleve zgjedhore. Lexoni analizën e plotë këtu:
Përfitimet ekonomike dhe sociale të Shqipërisë nga momenti i mirë politik 2021–2025