ALTAX prezanton Indeksin e Fizibilitetit për Planin e AT në Turizëm, 2025

Në kuadër të analizave strategjike për formalizimin e ekonomisë, Instituti ALTAX ka zhvilluar një Raport të Fizibilitetit për planin e ndërhyrjes së Administratës Tatimore (AT) në sektorin e turizmit për sezonin veror 2025, në përputhje me VKM nr.160/2025 dhe objektivat e Strategjisë Afatmesme të të Ardhurave 2024–2027.

Qasja e ALTAX
Duke përdorur një metodologji me 5 shtylla vlerësimi (objektivat, zbatueshmëria, integrimi teknologjik, targetimi dhe monitorimi), është ndërtuar një indeks i fizibilitetit, që vlerëson jo vetëm kapacitetet ekzistuese, por edhe rreziqet strukturore dhe mundësitë për përmirësim të qëndrueshëm.

Rezultati i analizës: 82/100 – Fizibilitet i lartë
Ky rezultat reflekton një bazë të mirë të planifikimit strategjik, por thekson nevojën për:
✅ Platformë digjitale të integruar për kontroll dhe verifikim në kohë reale
✅ Forcim të kapaciteteve në terren në zonat bregdetare
✅ Detyrime më të forta për koordinim institucional dhe shkëmbim të dhënash
✅ Përfshirje më efektive të aktorëve informalë si Airbnb dhe bujtinat familjare

ALTAX nënvizon se pa zbatimin efektiv të këtyre masave, plani rrezikon të mbetet në kufijtë e formalizimit të pjesshëm dhe jo të qëndrueshëm.

🔗 Raporti është në linjë të plotë me prioritetet e Strategjisë Afatmesme të të Ardhurave, duke ofruar një bazë konkrete për përmirësim politikash dhe vendimmarrje më të informuar.

📥 Për më shumë informacion dhe raportin e plotë, vizitoni Indeksi Fizibilitetit për Planin e AT në Turizëm 2025