Studimi Analitik mbi çmimin referues të pasurive të paluajtshme në Shqipëri dhe Konsultimi Publik

ALTAX prezanton një analizë të thelluar dhe kritike mbi politikën për çmimin referues të pasurive të paluajtshme në Shqipëri, duke shqyrtuar funksionin e tij aktual dhe problematikat që lindin nga përdorimi i këtij instrumenti në sistemin fiskal dhe administrativ shqiptar.

Në një treg me karakteristika të veçanta, si informalitet i lartë dhe mungesë transparence, me çmime referuese të pandryshuar prej shumë periudhash dhe i shkëputur nga realiteti i tregut, po krijon pasaktësi serioze në vlerësime, planifikime dhe besueshmëri institucionale. Kjo situatë ndikon drejtpërdrejt në efektivitetin fiskal dhe në motivimin e tatimpaguesve për përmbushje vullnetare të detyrimeve.

Në këtë analizë, ALTAX identifikon dhe trajton:

• Dobësitë kryesore në metodologjinë dhe mungesën e përditësimit të çmimeve referuese;
• Problemet që burojnë nga mungesa e transparencës dhe pjesëmarrjes së aktorëve të ndryshëm në përcaktimin e çmimeve;
• Pasojat negative për ndërtuesit, investitorët, qytetarët dhe institucionet publike;
• Nevojën për harmonizim me praktikat më të mira rajonale dhe ndërkombëtare;
• Rekomandimet për reformimin e sistemit në drejtim të transparencës, drejtësisë fiskale dhe zhvillimit të qëndrueshëm ekonomik.

Ky studim synon të ofrojë një bazë të fortë për diskutime publike dhe vendimmarrje të mirëinformuar, duke nxitur një reformë thelbësore të çmimit referues për të shërbyer si një mjet i besueshëm dhe i drejtë.

Ftojmë të gjithë qytetarët, bizneset dhe institucionet që të marrin pjesë në konsultimin publik, i cili përfundon më 20 Gusht 2025.

Për detaje të mëtejshme dhe për të dhënë komentet tuaja, ju lutemi kontaktoni ALTAX në info@altax.al

ALTAX — Transparencë dhe llogaridhënie në shërbim të zhvillimit ekonomik të Shqipërisë.