ALTAX ju fton të diskutojmë mbi debatin nëse jemi në prag të një flluske financiare?

Analiza “A jemi në prag të një flluske financiare?” synon të vlerësojë rreziqet dhe faktorët që mund të çojnë në krijimin e një flluske financiare në një ekonomi. Ky term përdoret për të përshkruar një situatë ku çmimet e aktiveve, si pasuritë e paluajtshme, aksionet, apo produktet financiare, rriten artificialisht dhe tejkalojnë ndjeshëm vlerën e tyre reale.

Rreziku i një flluske financiare për Shqipërinë mund të lidhet me një kombinim faktorësh, përfshirë sjelljen spekulative, dobësitë në tregjet e brendshme dhe ndikimet globale. Rëndësia e ndërhyrjeve parandaluese dhe monitorimit të vazhdueshëm të tregut financiar është thelbësore për të mbrojtur ekonominë kombëtare nga pasojat shkatërruese të një flluske financiare.

Rreziqet për krijimin e një flluske financiare në Shqipëri në vitin 2025 duhen vlerësuar. Por rrisku i krijimit të tyre është për tu konsideruar, nëse përveç  zhvillimeve të vrullshme të ritmeve të shtimit të stokut të pasurive të paluajtshme  do të ishim në kushtet e një qasje të kreditimit të lehtësuar dhe nëse do të ishte edhe një situatë tejet e rënduar e stokut të borxhit në sektorin privat.

Të gjitha këto nëse do të shoqëroheshin edhe me një rritje ekonomike të paqëndrueshme, bashkë me shtimin e fenomenti të pastrimit të parasë, natyrisht që kjo krizë do të ishte afër.

Thënë ndryshe, Shqipëria duhet të përballet me një sërë kushtesh ekonomike, financiare dhe fiskale që të mund të nxitej zhvillimi i dinamikave të një flluske financiare.

Analiza mund të përdoret për të identifikuar shenja paralajmëruese të mbivlerësimit të aktiveve dhe ndikimit të tyre në stabilitetin financiar.

Ajo shërben për të vlerësuar ndikimet e mundshme të një flluske financiare në ekonominë kombëtare.

Kjo analizë ofron bazë për hartimin e politikave për të shmangur krizat financiare dhe për të forcuar qëndrueshmërinë ekonomike.

Ju ftojmë ta lexoni dhe ta komentoni!