Rrugët apo ekonomia tjetër?

11 €

Shpenzimet në infrastrukturë shpesh mendohen si një mënyrë e shkëlqyer për të stimuluar ekonominë, pavarësisht nga rezultati i projekteve individuale.

Shpenzimet e infrastrukturës mund të stimulojnë agregate të gjerë makroekonomikë si PBB-ja ose punësimi total. Megjithatë, për shkak se projektet e infrastrukturës kërkojnë shumë kohë për të filluar e mbaruar, ato nuk mund të ofrojnë gjithmonë stimul në kohën e duhur për të ndihmuar ekonominë në kohë të vështira. Shpenzimet e infrastrukturës janë më efektive nëse kompletojnë një nevojë që tashmë ekziston, zbatohen në kohën e duhur dhe vendosin para në duart e industrive dhe punëtorëve që janë të prekur nga një moment vështirësie apo zgjerimi ekonomik.

Shpenzimet e infrastrukturës krijojnë vende pune të përfshira në planifikimin dhe zbatimin e projekteve të ndryshme. Këto përfshijnë si punë intelektuale, po ashtu edhe fuqi punëtore. Projektet e infrastrukturës shpesh kërkojnë shumë muaj deri në disa vite për t’u përfunduar, që do të thotë se vendet e punës do të mbeten të zënë. Këta punëtorë më pas shpenzojnë të ardhurat e tyre në vend dhe ndihmojnë në stimulimin e ekonomisë. Për më tepër, pasi të përfundojnë projektet, qytetarët mund të përdorin në mënyrë më efikase transportin dhe shërbimet publike për të përmirësuar produktivitetin dhe mirëqenien.

Ne i trajtojmë këto gjetje duke sqaruar se shpërndarja e shpenzimeve për infrastrukturën, sipas vlerës së shtuar ekonomike të zonave të vendit ka qenë e lidhur me stimulin politik dhe shpesh është ndikuar nga konsideratat politike dhe elektorale.

Dokumenti politikave organizohet si më poshtë:

Pas hyrjes, prezantohen treguesit statistikorë të inventarit të rrugëve dhe fondet e buxhetit për periudhën 2001 – 2024.

Në pikën e dytë japim qasjen mbi ndikimin në ekonomi të rrugëve.

Në pikën e tretë hedhim për diskutim përmes argumenteve nëse duhet vetëm infrastruktura apo edhe ekonomia tjetër në fokus të politikave dhe rishpërndarjes së buxhetit

Në mbyllje, janë paraqitur disa komente lidhur me mndësi për të kuptuar se sa i bën mirë shëndetit të ekonomisë, por edhe individëve dhe të ardhmes një qasje nga ajo që kemi sot dhe kush mund të jenë disa opsione që mund të elaborohen ndryshe nga qasja aktuale

Kategori: , Etiketa: , , , ,

Përshkrim

Rrugët apo ekonomia tjetër? është një studim i mbështetur nga ALTAX, si një dokument politikash dhe mbajtje qëndrimi. Ky dokument prezantohet për qëllime të diskutimit dhe debatit bazuar mbi argumente dhe komente profesionale nga të gjithë grupet dhe aktorët e interesuar.

Rrugët janë ndoshta një nga asetet më të rëndësishme të infrastrukturës pasi ato lehtësojnë, ndikojnë dhe mund të veprojnë si një tregues i zhvillimit të qëndrueshëm ekonomik.

Ato rrisin aksesin në shërbimet publike si kujdesi shëndetësor dhe arsimi, si dhe rrisin fleksibilitetin dhe zgjedhjen. Sa më e mirë të jetë aksesi, aq më të larta janë përfitimet që mund të ndikojnë në zhvillimin e ardhshëm ekonomik dhe përmirësimet sociale, veçanërisht në zonat me një mbizotërim të shërbimeve publike.

Teoritë makroekonomike mbi rritjen dhe zhvillimin ekonomik tregojnë rëndësinë e infrastrukturës publike në procesin e zhvillimit ekonomik.

Çdo mendim i shprehur këtu është i autorit(ve) dhe jo i ALTAX. Analizat e shpërndara nga ALTAX mund të përfshijnë pikëpamje mbi politikën, por vetë ALTAX nuk mban qëndrime të politikave institucionale.

Ky punim është botuar nën përgjegjësinë e ALTAX. Mendimet e shprehura dhe argumentet e përdorura këtu nuk pasqyrojnë domosdoshmërisht pikëpamjet e drejtimit të ALTAX.

Nëse të dhënat (teksti dhe çdo përmbajtje) nga ky publikim shpërndahen ose riprodhohen, ato duhet të paraqiten me saktësi dhe t’i atribuohen burimit origjinal të cituar në këtë publikim. Kjo kërkesë për cilësinë e burimit duhet të shoqërojë çdo përdorim të të dhënave dhe komenteve, qoftë të marra drejtpërdrejt nga ALTAX ose nga një përdorues tjetër.

Produkte të afërt