Dixhitalizimi, vlerësimi i performancës i administratës qendrore dhe vendore, rritja e pagave dhe marrëdhënia me korrupsionin

Shqipëria prezantohet sot me një pasqyrë të kuadrit strategjik gjithëpërfshirës të Reformës se administratës publike, që është zbatuar që nga viti 2015. Kjo bazohet në pesë dokumente strategjike: 1. Strategjia ndërsektoriale e Reformës në Administratën Publike (RAP), 2. Strategji e Menaxhimit të Financave Publike, 3. Strategji e Decentralizimit, 4. Strategjia Kundër Korrupsionit dhe 5. Strategjia e Shqipërisë Dixhitale. Edhe pse reformimi i administratës kërkon kohën e gjatë për tu zhvilluar i plotë qeveria duhet të sigurojë koherencë ndërmjet dokumenteve të ndryshme, si dhe me dokumente të tjera të planifikimit me synimin që të sigurojë përafrimin me versionin më të fundit të kuadrit evropian të ndërveprueshmërisë. Sipas Progres Raportit të KE-së së vitit 2023 për Shqipërinë vlerësimi është se ka një përgatitje mesatare për kuadrin e saj strategjik për reformën e administratës publike. Koordinimi institucional është ende në stadin që duhet të përmirësohet më tej pasi duhet të përforcohet funksioni qendror i kontrollit të cilësisë për planifikimin e politikave.

Dixhitalizimi mund të shihet në kontekstin e aksesit të qytetarëve në teknologji, në niveli i zhvillimin e aftësive për të përdorur teknologjinë dhe përdorimi aktual i saj do të rritet gjatë çdo nisme të qeverisë dixhitale, pasi është jetike për të shërbyer si transparencë dhe mjet kundër korrupsionit. Por në të njëjtën kohë, ky mekanizëm nuk do të thotë sukses pasi administrata dhe vendi ende përballet me shumë sfida të ndryshme shoqërore, të cilat janë refleksione të veprimeve dhe ndërveprimeve midis grupeve të ndryshme brenda shoqërisë shqiptare.

Arritja e reformimit të administratës publike dhe jetës sociale në vend nuk mund të ndryshojë edhe pas vendimit për rritjen e pagave të adminisratës publike, pa zbatuar më së pari gjithë detyrat që përshkruhen në relacionet për matjen e performancës bazuar te meritokracia dhe distancimi ndaj patronazhimit politik të administratës.