Cili është minimumi ligjor i deklarimit të të ardhurave individuale vjetore?
Të gjithë individët që realizojnë të ardhura bruto vjetore nga të gjitha burimet në shumën e përgjithshme më pak se 2 milionë lekë në vit, si dhe individët, të cilët janë të punësuar në më shumë se një punëdhënës janë objekt i deklarimit të të ardhurave vjetore individuale. Përveç tatimpaguesve si më lart, deklarata vjetore e të ardhurave mund të plotësohet edhe nga persona të tjerë, që vendosin të bëjnë deklaratën, megjithëse nuk kanë detyrimin ligjor për këtë, për arsye se duan të përfitojnë nga skema e shpenzimeve të zbritshme, e parashikuar në këtë ligj, kur këta individë plotësojnë kushtet e përfitimit të zbritjes së shpenzimeve.
Në vijim të sa më lart, për individët që kanë marëdhënie punësimi në më shumë se një punëdhënës për ta nuk ka një prag të përcaktuar mbi një shumë të ardhurash fikse, por varion sipas rasteve të të ardhurave vjetore nga dypunësimi. Në këtë kategori nuk përfshihet rasti kur individ ka një marëdhënie punësimi dhe një kontratë shërbimi me të njëjtin punëdhënës apo biznese të tjera.
Po ashtu, gjithë sa nuk janë të dypunësuar duhet të kenë të ardhura nga kapitali dhe puna mbi 2 milion lekë në vit që të detyrohen nga ligji të deklarojnë dhe paguajnë tatimet sipas të ardhurave të përfituara brenda vitit fiskal.
Leave a Reply
You must be logged in to post a comment.