Në datën 16 Qershor 2022 ne jemi në Takimin e Hapur me përfaqësues të institucioneve publike dhe shoqërinë civile për të prezantuar gjetjet e Monitorimit Shumëdimensional të qeverisjes Vendore të Gjirokastrës, ku do të dialogojmë mbi mundësitë dhe kufizimet e konstatuara në 2021 por edhe periudha më përpara dhe muajt e pare të vitit 2022.

Qendra ALTAX në kuadër të projektit “Monitorimi publik përmes ndërveprimit qytetar”, i mbështetur nga Ministria e Punëve të Jashtme të Holandës nën zhvillimin/politikën e jashtme holandeze ka ftuar grupe interesi nga publiku, politikat sektoriale, antikorrupsioni, shoqëria civile, si dhe punonjës dhe drejtues të Bashkisë për ti informuar dhe komentuar gjetjet e MONITORIMIT SHUMEDIMENSIONAL TË PERFORMANCËS në 2021 duke analizuar mundësitë dhe kufizimet për zhvillimin e territorit.

Pas monitorimit së performancës së qeverisjes vendore ne pyetëm edhe publikun mbi ndjesinë e tyre për investimet dhe shërbimet në bashkinë e tyre.

Ne vijmë në këtë takim me analiza mbi fizibilitetin e deritanishëm të planeve të zhvillimit bazuar te Strategjitë e Sektorëve të ndryshëm, por edhe duke diskutuar mbi pyetjet që kanë nevojë për t’u diskutuar lidhur me migrimin e popullsisë, mbi edukimin profesional dhe tregun e punës, mbi prioritetet që duhet të përcillen për publikun, ekonominë, punësimin bazuar te demografia që ka ndryshuar, si dhe për çështjet e ndjeshme lidhur me problematika të mbartura të dialogut dhe harmonisë sociale.

Gjithë këto tema ne do të fillojmë t’i diskutojmë direkt dhe nëpërmjet medias dhe rrjeteve sociale, nëpërmjet #ALTAX.

Ju ftojmë të na ndiqni on line https://m.facebook.com/Fiskalisti/, pasi vendimet e mira merren pas analizave dhe diskutimeve bazuar mbi fakte dhe argumente!

Ju mund të shikoni të plotë raportin në Publikimet e ALTAX, ose ta kërkoni me fjalën Monitorimi, Gjirokastër apo shumedimensional në www.altax.al .

Ne mund bëhemi më shumë për të dialoguar duke na dëgjuar dhe komentuar direkt gjatë aktivitetit, por edhe më pas gjatë verës.
Ju mirëpresim!

#bashki
#altax
#antikorrupsion
#qeverisjevendore
#auditsocial